Аб візіце ў г. Нінбо (правінцыя Чжэцзян)
30.04.2026 г.29 красавіка 2026 г. Генеральны консул Шаўчэнка А.У. прыняў удзел у Форуме Шанхайскай арганізацыі супрацоўніцтва па зялёным і ўстойлівым развіцці, які адбыўся ў горадзе Нінбо правінцыі Чжэцзян, КНР. Правядзенне форуму накіравана на супрацоўніцтва ў галіне зялёнага і ўстойлівага развіцця паміж краінамі ШАС, а таксама садзейнічанне зялёнай і нізкавугляроднай трансфармацыі ў рэгіёне. Удзел у Форуме прыняло больш за 300 чалавек, сярод якіх прадстаўнікі дзяржаў-членаў, дзяржаў-назіральнікаў, партнёраў па дыялогу ШАС, Сакратарыята ШАС, высокапастаўленыя прадстаўнікі кампетэнтных ведамстваў па справах навакольнага асяроддзя Кітая і замежных краін, эксперты і навукоўцы, прадстаўнікі міжнародных арганізацый. Удзельнікі форуму абмеркавалі ключавыя моманты рэалізацыі ініцыятывы па глабальным кіраванні і сумесным садзейнічанні зялёнаму і ўстойліваму развіццю ШАС. Вынікам форуму стала прыняцце Нінбоскай ініцыятывы супрацоўніцтва ШАС па ўстойлівым развіцці, якая вызначае асноўныя шляхі далейшага сумеснага экалагічнага кіравання пры пабудове «зялёнай» будучыні.
