Выхад з грамадзянства Рэспублікі Беларусь асоб, якія пастаянна пражываюць за мяжой

На падставе артыкула 32 Закона Рэспублікі Беларусь ад 1 жніўня 2002 г. «Аб грамадзянстве Рэспублікі Беларусь» і Палажэння аб парадку разгляду пытанняў, звязаных з грамадзянствам Рэспублікі Беларусь, зацверджанага Указам Прэзідэнта Рэспублікі Беларусь ад 17 лістапада 1994 г. № 209, дыпламатычныя прадстаўніцтвы і консульскія ўстановы Рэспублікі Беларусь прымаюць заявы аб выхадзе з грамадзянства Рэспублікі Беларусь асоб, якія пастаянна пражываюць за мяжой (гэта значыць аформілі пастаяннае пражыванне за межамі Рэспублікі Беларусь, дакументаваных пашпартам для пастаяннага пражывання за межамі Рэспублікі Беларусь і якія стаяць на консульскім уліку).

Заява аб выхадзе з грамадзянства Рэспублікі Беларусь складаецца ў адвольнай форме і падаецца ў дыпламатычнае прадстаўніцтва або консульскую ўстанову на імя Прэзідэнта Рэспублікі Беларусь.

Пры немагчымасці асабістага звароту заяўніка ў сувязі з абставінамі, якія маюць выключны характар і пацверджанымі дакументальна, яго заяву і прыкладзеныя да яго дакументы могуць быць пададзеныя іншай асобай альбо адпраўленыя па пошце. У гэтым выпадку сапраўднасць подпіса асобы, якая падпісала заяву, засведчваецца натарыяльна.

Да заявы аб выхадзе з грамадзянства Рэспублікі Беларусь прыкладаюцца наступныя дакументы:

 — анкета з чатырма фатаграфіямі памерам 3 x 4 см;

 — Аўтабіяграфія па наступным плане:

• Прозвішча, імя (указваюцца ўсе папярэднія), дата і месца нараджэння;
• адукацыя: поўная назва навучальнай установы, гады навучання, спецыяльнасць па дыпломе;
• працоўны стаж на тэрыторыі Беларусі: у храналагічным парадку указваюцца пасады і поўныя назвы арганізацый, устаноў, прадпрыемстваў;
• сямейнае становішча, імя і ПРОЗВІШЧА, дата нараджэння, грамадзянства мужа (жонкі), ці змянялася прозвішча ў шлюбе, звесткі пра ўсіх былых мужэй (жонак);
• інфармацыя пра дзяцей: указваецца прозвішча, імя, дата і месца нараджэння, грамадзянства непаўналетніх дзяцей;
• мэта выезду за мяжу: ўступленне ў шлюб, праца, вучоба, з мэтай ўз'яднання сям'і і т. д.;
• адрас жыхарства ў КНР: указваецца актуальны паштовы адрас заяўніка;
• апошні адрас рэгістрацыі ў Беларусі

 — пашпарт грамадзяніна Рэспублікі Беларусь;

 — пашпарт грамадзяніна замежнай дзяржавы (калі асоба набыла грамадзянства замежнай дзяржавы на дзень падачы заявы аб выхадзе з грамадзянства Рэспублікі Беларусь) альбо дакумент (даведка) паўнамоцнага органа замежнай дзяржавы аб пацверджанні прадастаўлення асобе грамадзянства гэтай дзяржавы ў выпадку яго выхаду з грамадзянства Рэспублікі Беларусь;

 — пасведчанне аб нараджэнні заяўніка;

 — дакументы органаў, якія рэгіструюць акты грамадзянскага стану, аб заключэнні (скасаванні) шлюбу заяўнікам;

 — квітанцыя аб выплаце консульскага збору або дакумент аб вызваленні ад яго выплаты;

Пры падачы заявы аб выхадзе з грамадзянства Рэспублікі Беларусь сумесна з непаўналетнімі дзецьмі да заявы аднаго з бацькоў прыкладаюцца копіі пасведчанняў аб нараджэнні дзяцей і натарыяльна засведчаная згода кожнага дзіцяці ва ўзросце ад 14 да 18 гадоў на выхад з грамадзянства Рэспублікі Беларусь.

Калі адзін з бацькоў хадайнічае аб выхадзе з грамадзянства Рэспублікі Беларусь сумесна з непаўналетнімі дзецьмі, прадстаўляецца натарыяльна засведчаная згода іншага з бацькоў-грамадзяніна Рэспублікі Беларусь на спыненне дзецьмі грамадзянства Рэспублікі Беларусь, альбо даведка органаў унутраных спраў Рэспублікі Беларусь, якая пацвярджае, што другі бацька пастаянна не пражывае на тэрыторыі Рэспублікі Беларусь.

Бацькі, якія хадайнічаюць аб выхадзе з грамадзянства Рэспублікі Беларусь, могуць выказаць у заяве просьбу аб захаванні грамадзянства Рэспублікі Беларусь іх дзецям.

Калі ў асобы, якая хадайнічае аб выхадзе з грамадзянства Рэспублікі Беларусь, маюцца непаўналетнія дзеці ад шлюбу, які скасаваны, яна павінна прадставіць натарыяльна засведчаную заяву былога мужа (жонкі) аб наяўнасці або адсутнасці да яго матэрыяльных прэтэнзій.

 — дакументы аб скасаванні шлюбу, смерці аднаго з бацькоў, усынаўленні, пазбаўленні бацькоўскіх правоў, выплаце аліментаў.

Дакументы, выдадзеныя кампетэнтнымі органамі замежнай дзяржавы, прымаюцца пры наяўнасці іх легалізацыі або прастаўлення апастыля, калі іншае не прадугледжана міжнароднымі дагаворамі Рэспублікі Беларусь.

Дакументы, выкананыя на замежнай мове, павінны суправаджацца натарыяльна засведчаным перакладам на адну з дзяржаўных моў Рэспублікі Беларусь.

Заява, анкета і аўтабіяграфія падаюцца ў трох экзэмплярах.

Консульскі збор за разгляд заявы аб выхадзе з грамадзянства Рэспублікі Беларусь складае 250 еўра.

Аплата ажыццяўляецца толькі пасля прыёму дакументаў супрацоўнікам дыпламатычнага прадстаўніцтва або консульскай установы Рэспублікі Беларусь.

Тэрмін разгляду заявы аб выхадзе з грамадзянства — да 6 месяцаў.

Увага!

З інфармацыйным матэрыялам па пытаннях падаткаабкладання даходаў грамадзян Рэспублікі Беларусь, якія афармляюць пастаяннае пражыванне за межамі Рэспублікі Беларусь альбо хадайнічаюць аб спыненні грамадзянства Рэспублікі Беларусь, можна азнаёміцца тут.